Exodus. Chapter 2

II.

¹ Ἦν δὲ τις ἐκ τῆς φυλῆς Λευεὶ¹ ὃς ἔλαβεν² τῶν³ θυγατέρων Λευεί⁴.   ² καὶ ἐν γαστρὶ ἔλαβεν καὶ ἔτεκεν ἄρσεν·   ἰδόντες δὲ αὐτὸ ἀστεῖον ἐσκέπασαν αὐτὸ μῆνας τρεῖς.   ³ ἐπεὶ⁵ δὲ οὐκ ἠδύναντο⁶ αὐτὸ ἔτι⁷ κρύπτειν, ἔλαβεν⁸ αὐτῷ⁹ ἡ μήτηρ αὐτοῦ θῖβιν¹⁰ καὶ κατέχρισεν αὐτὴν ἀσφαλτοπίσσῃ¹¹ καὶ ἐνέβαλεν τὸ παιδίον εἰς αὐτήν, καὶ ἔθηκεν αὐτὴν εἰς τὸ ἕλος παρὰ τὸν ποταμόν.    ⁴ καὶ κατεσκόπευεν ἡ ἀδελφὴ αὐτοῦ μακρόθεν μαθεῖν τί¹² τὸ ἀποβησόμενον αὐτῷ.    ⁵ κατέβη δὲ ἡ θυγάτηρ Φαραὼ λούσασθαι ἐπὶ τὸν ποταμὸν, καὶ αἱ ἅβραι αὐτῆς παρεπορεύοντο παρὰ¹³ τὸν ποταμόν· καὶ ἰδοῦσα τήν θῖβιν¹⁴ ἐν τῷ ἕλει, ἀποστειλασα τὴν ἅβραν ἀνείλατο αὐτήν.   ⁶ ἀνοίξασα δὲ ὁρᾷ παιδίον κλαῖον ἐν τῇ θίβει·¹⁵   καὶ ἐφείσατο αὐτοῦ ἡ θυγάτηρ Φαραώ, καὶ ἔφη Ἀπὸ τῶν παιδίων τῶν Ἐβραίων τοῦτο.   ⁷ καὶ εἶπεν ἡ ἀδελφὴ αὐτοῦ τῇ θυγατρί Φαραώ Θέλεις καλέσω σοι γυναῖκα τροφευουσαν ἐκ τῶν Ἐβραίων καὶ θηλάσει¹⁶

106
σοι τὸ παιδίον;   ⁸ ἡ δὲ εἶπεν¹⁷ ἡ θυγάτηρ Φαραώ Πορεύου. ἐλθοῦσα δὲ ἡ νεᾶνις ἐκάλεσεν τὴν μητέρα τοῦ παιδίου.   ⁹ εἶπεν δὲ πρὸς αὐτὴν ἡ θυγάτηρ Φαραώ Διατήρησόν μοι τὸ παιδίον τοῦτο καὶ θήλασόν μοι αὐτό, ἐγὼ δὲ δώσω σοι τὸν μισθόν. ἔλαβεν δὲ ἡ γυνὴ τὸ παιδίον καὶ ἐθήλαζεν αὐτό.   ¹⁰ ἁδρυνθέντος δὲ τοῦ παιδίου, εἰσήγαγεν αὐτὸ πρὸς τὴν θυγατέρα Φαραώ, καὶ ἐγενήθη αὐτῇ εἰς υἱόν· ἐπωνόμασεν δὲ τὸ ὄνομα αὐτοῦ Μωυσῆν¹⁸ λέγουσα Ἐκ τοῦ ὕδατος αὐτὸν¹⁹ ἀνειλόμην.     ¹¹ Ἐγένετο δὲ ἐν ταῖς ἡμέραις ταῖς πολλαῖς ἐκείναις μέγας γενόμενος Μωυσῆς ἐξῆλθεν πρὸς τοὺς ἀδελφοὺς αὐτοῦ τοὺς υἱοὺς Ἰσραήλ. κατανοήσας δὲ τὸν πόνον αὐτῶν ὁρᾷ ἄνθρωπον Αἰγύπτιον τύπτοντά τινὰ Ἐβραῖον τῶν²⁰ ἑαυτοῦ ἀδελφῶν τῶν υἱῶν Ἰσραήλ·    ¹² περιβλεψάμενος δὲ ὧδε καὶ ὧδε οὐχ ὁρᾷ οὐδένα, καὶ πατάξας τὸν Αἰγύπτιον ἔκρυψεν αὐτὸν ἐν τῇ ἄμμῳ.   ¹³ ἐξελθὼν δὲ τῇ ἡμέρᾳ τῇ δευτέρᾳ ὁρᾷ δύο ἄνδρας Ἐβραίους²¹ διαπληκτιζομένους, καὶ λέγει τῷ ἀδικοῦντι Διὰ τί σὺ²² τύπτεις τὸν πλησίον;   ¹⁴ ὁ δὲ εἶπεν Τίς σε κατέστησεν ἄρχοντα καὶ²³ δικαστὴν ἐφ᾿ ἡμῶν; μὴ²⁴ ἀνελεῖν με σὺ θέλεις ὃν τρόπον ἀνεῖλες ἐχθὲς²⁵ τὸν Αἰγύπτιον; ἐφοβήθη δὲ Μωυσῆς καὶ εἶπεν Εἰ οὕτως ἐμφανὲς γέγονεν τὸ ῥῆμα τοῦτο;    ¹⁵ ἤκουσεν δὲ Φαραὼ τὸ ῥῆμα τοῦτο, καὶ ἐζήτει ἀνελεῖν Μωυσῆν· ἀνεχώρησεν δὲ Μωυσῆς²⁶ ἀπὸ προσώπου Φαραὼ καὶ ᾤκησεν²⁷ ἐν γῇ Μαδιάμ· ἐλθὼν δὲ εἰς γῆν Μαδιὰμ ἐκάθισεν ἐπὶ τοῦ φρέατος.   ¹⁶ τῷ δὲ ἱερεῖ Μαδιὰμ ἦσαν ἑπτὰ θυγατέρες, ποιμαίνουσαι τὰ πρόβατα τοῦ²⁸ πατρὸς αὐτῶν Ἰοθόρ· παραγενόμεναι δὲ ἤντλουν ἕως ἔπλησαν τὰς δεξαμενὰς²⁹, ποτίσαι τὰ πρόβατα τοῦ πατρὸς αὐτῶν Ἰοθόρ³⁰.   ¹⁷ παραγενόμενοι δὲ οἱ ποιμένες ἐξέβαλλον³¹ αὐτάς· ἀναστὰς δὲ Μωυσῆς ἐρρύσατο αὐτὰς, καὶ ἤντλησεν αὐταῖς³² καὶ ἐπότισεν τὰ πρόβατα αὐτῶν.   ¹⁸ παρεγένοντο δὲ πρὸς Ῥαγουὴλ³³ τὸν πατέρα αὐτῶν· ὁ δὲ εἶπεν αὐταῖς Διὰ τί³⁴ ἐταχύνατε τοῦ παραγενέσθαι σήμερον;    ¹⁹ αἱ δὲ³⁵ εἶπαν³⁶ Ἄνθρωπος³⁷ Αἰγύπτιος ἐρρύσατο ἡμᾶς ἀπὸ τῶν ποιμένων, καὶ ἤντλησεν ἡμῖν καὶ ἐπότισεν τὰ πρόβατα ἡμῶν³⁸.   ²⁰ ὁ δὲ εἶπεν ταῖς θυγατράσιν αὐτοῦ Καὶ³⁹ ποῦ

107
ἐστίν; καὶ ἵνα τί⁴⁰ καταλελοίπατε τὸν ἄνθρωπον; καλέσατε οὖν αὐτόν ὅπως φάγῃ ἄρτον.   ²¹ κατῳκίσθη δὲ Μωυσῆς παρὰ τῷ ἀνθρώπῳ· καὶ ἐξέδοτο ⁴¹ Σεπφώραν τὴν θυγατέρα αὐτοῦ Μωυσῇ ⁴² γυναῖκα. ²² ἐν γαστρὶ δὲ λαβοῦσα ἡ γυνὴ ἔτεκεν υἱόν· καὶ ἐπωνόμασεν Μωυσῆς⁴³ τὸ ὄνομα αὐτοῦ Γηρσάμ λέγων Ὅτι⁴⁴ πάροικός εἰμι ἐν γῇ ἀλλοτρίᾳ⁴⁵.

²³ Μετὰ δὲ τὰς ἡμέρας τὰς πολλὰς ἐκείνας ἐτελεύτησεν ὁ βασιλεὺς Αἰγύπτου· καὶ κατεστέναξαν⁴⁶ οἱ υἱοὶ Ἰσραὴλ ἀπὸ τῶν ἔργων καὶ ἀνεβόησαν, καὶ ἀνέβη ἡ βοὴ αὐτῶν πρὸς τὸν θεὸν ἀπὸ τῶν ἔργων. ²⁴ καὶ εἰσήκουσεν ὁ θεὸς τὸν στεναγμὸν αὐτῶν, καὶ ἐμνήσθη ὁ θεὸς τῆς διαθήκης αὐτοῦ τῆς πρὸς Ἀβραὰμ καὶ Ἰσαὰκ⁴⁷ καὶ Ἰακώβ. ²⁵ καὶ ἐπεῖδεν⁴⁸ ὁ θεὸς τοὺς υἱοὺς Ἰσραήλ, καὶ ἐγνώσθη αὐτοῖς.