I'm wearin' awa', John,

Like snaw-wreaths in thaw, John,

I'm wearin' awa'

To the land o' the leal.

There's nae sorrow there, John,

There's neither cauld nor care, John,

The day's aye fair

I' the land o' the leal.

Our bonnie bairn's there, John,

She was baith gude and fair, John,

And, oh! we grudged her sair

To the land o' the leal.

But sorrow's sel' wears past, John,

And joy's comin' fast, John,

The joy that 's aye to last

In the land o' the leal.

Sae dear's that joy was bought, John,

Sae free the battle fought, John,

That sinfu' man e'er brought¹⁹⁰¹⁹⁰See Note

To the land o' the leal.

Oh! dry your glist'ning ee, John,

My saul langs to be free, John,

And Angels beckon me

To the land o' the leal.

Oh, haud¹⁹¹¹⁹¹haud, keep ye leal and true, John,

Your day it's wearin' thro', John,

An' I'll welcome you

To the land o' the leal.

Now fare ye weel, my ain John,

This world's cares are vain, John,

We'll meet and aye be fain¹⁹²¹⁹²fain, happy

I' the land o' the leal,